Kur është fjala për vlerën mesatare ( mesataren aritmetike ) duhet pasur parasysh se jo çdo herë ajo përfaqëson të dhënat në mënyrën më të mirë, sidomos kur ndryshimi ndërmjet vlerave është shumë i madh. P.sh. nëse brenda një kompanie pagat e 10 punëtorëve janë: 1500€, 1000€, 500€, 500€, 400€, 400€, 300€, 300€, 300€ dhe 300€, atëherë paga mesatare do dilte 550€. Por siç vërehet vetëm dy punëtorë ( 20 % ) kanë pagë mbi mesatare, shumica ( 80% ) kanë pagë nën mesataren. Bile 60% e punëtorëve kanë pagë 300€-400€. Në këtë rast mesatarja nuk përfaqëson si duhet pagën. Kështu mund të fitohet bindja se pagat qëndrojnë mirë, por realiteti mund të jetë ndryshe ( 1500€ me 300€ është ndryshim i madh ). Prandaj shpesh llogariten edhe mesatare të tjera statistikore ( moda, mediana, etj ).
Mësimdhënës i matematikës-
Faton Hyseni u lind më 24 Gusht 1980 në fshatin Brod, komuna e Shtërpcës. Shkollën fillore e ka përfunduar në vendlindje, kurse shkollën e mesme, drejtimi matematiko – natyror në Gjimnazin "Kuvendi i Arbërit " në Ferizaj, paralele e ndarë në Firajë.
Ka përfunduar studimet në Universitetin e Prishtinës, në FSHMN, Departamenti i Matematikës. Është në përfundim të studimeve master. Ne procesin arsimor është i angazhuar që nga viti shkollor 2004/2005 së pari në Shkollën Fillore "Tefik Çanga" në Ferizaj , kurse prej vitit shkollor 2005/2006 deri 2011/2012 në Shkollën e Mesme Ekonomike "Faik Konica" në Ferizaj dhe prej vitit shkollor 2012/2013 në shkollën e mesme Gjimnazi "Kuvendi i Arbërit" në Ferizaj ku edhe punon aktualisht.
http://www.fatonhyseni12.wordpress.com është blog personal, ku përveq materialeve dhe shkrimeve personale , do të publikohen edhe shkrime tjera të ndryshme të huazuara.
Shihni më tepër postime
Faton Hyseni 